حبيت اطرح هالموضوع ....لإيمتى ونحن هيك ؟؟؟وبعدين يعني ؟؟؟عم نشوف الدمار والقرف اللي عم يصير ...واخر هالقصة شو ؟؟؟شو المستقبل بالنسبة النا ؟؟؟ما عاد حدا فكر بالمجهول اللي ناطرنا يا جماعة ...كل واحد بقلي انو انا همي طامرني او مغطيني ....شو هالهم ؟؟؟انك بلا شغل ؟؟؟بلا بيت ؟؟؟قد ما كان همك فظيع او كندك كشاكل مو متل الناس اللي بالعراق او فلسطين او لبنان ...اللي عم يموتو دما او قهرا ...مو حرام ....في اكبر انو همك يكون وين رح تنام اليوم ....؟؟بأي حارة او اي شارع ؟؟؟في اصعب انك تتوجع من كتر البرد او تموت من الشوب والحرّ ...في اكبر واجرح من منظر واحد من ابوك او امك عم يموتو قدام عيونك وما فيك تهرب لانو انت اللي رح تموت بعدهن ...(لاسمح الله )بقا اي هم عم نحكي عنو ؟؟؟بتعرفو انو نحن منتعاقب على حبة رز اذا رميناها ..العفو منكن بالقمامة ...وفي غيرنا محتاجها ...ونحن منكب بهالكياس ومنرمي ...لا ومنتخانق مين بدو يكب الوسخ فينا ...وبس بدنا نخلص من الاكل اللي على قلبنا ...وفي ناس عم يموتو بس ليشمو هالريحة اللي نحن منكرهها من اكلة محروقة او صرلها يومين بالبراد ..بايته ...همنا بس انو درجت القصّة الفلانية للشعر ...قال قصيرة من ورا وطويلة من قدام ...ودرج انو الشب ينزل بنطلونو شوي مشان يبين كوووول على طول ...شو مشان يا جماعة والله حرام ...اكيد مو كلنا هيك بس الا ما يكون في شي من اللي قلتو موجود بكل واحد منا ...حبيت عبر عن مشاعري لعلّي اوقظ احساسكم واحساسكنّ شوي ...اسفه عالاطالة ...وشكرا ..
موضوع: كل حبة أرز 
الإثنين مارس 31, 2008 7:15 am
