طبخ المندي بالمزخ

السلام عليكم ورحمة الله وبركاته

يا هلا وسهلا بي بينكن ..

عاد اليوم جايب لكن شيء مو طبيعي والله يبيله رجال .. يطبخ هههههههااي

يالله خلن ازواجكن واخوانكن يطبخون لو مره ههههههه فرصه لا تعوض..,




في البداية يتم تقطيع اللحم قطع صغير على مقاس الكف


ثم يوضع اللحم في صحن كبير عشان التمليح ويفضل انه يكون الملح زايد شوي



طبعا من الظروري انه يطبخ على جمر زين وكثير



ثم يوضع على الجمر المرخ يعني يفرش فرش { المرخ نبات ليس له اوراق غالبا يوجد في الشعبان قرب المدن}
ويضع عليه اللحم طبعا يراعى مقاس القدر في كمية الجمر والمرخ كما سيأتي




بعد ما يوضع اللحم على طبقة المرخ يغطى بطبقة اخرى من المرخ و لامانع من وضع فوقها قطع اللحم
اذا كان محيط الجمر صغير




بعدما يرص اللحم جيدا تجيب الله لا يهينك قدر كبير على حسب قطر الجمر ثم تكبس القدر على اللحم والمرخ
والافضل انك تستعرض بطولك وتوقف عليه على شان ينكتم اكثر ولا يطلع دخان المرخ



بعدين تكون انت مجهز خياش فاضية مبللة مويه بس مو تبليل بالحيل وترصها حول القدر




وبعدين تكون قد جهزت من قبل الله يعزكم تراب مع مويه مثل الخلطه وترصه زين على الخياش والاماكن اللي يطلع
منها دخان , ويبيلك تحط فوق القدر بلكه او حصاه وتحط حولها جمر افضل




بعد كذا ريح ودق سواليف مع ربعك واظرب من الشاهي لمدة ساعة ونصف الى ساعتين الا ربع
يكون باذن الله اللحم نجح وجاهز لكن انتبه لازم تنظف التراب اللي حطيته والخياش تنشال
او تخليها مطرفة بعيد عن اللحم



ثم اعزل اللحم في صحن او تبي تحطه على الرز مباشرة اذا كان جاهز على فكرة الرز ماله طريقه معينة ويفضل
انه رز ابيض بس مهوب الابيض حق الجاوه اللي مافيه الا رز وملح لا لكن تفننو في طبخه





الآن حياكم الله على عشاكم



باقي الشطة والفلفل
واتمنى انها جازت لكن..


تحياتى برنسسة

يسلمووو ه الإيدين العسوولة دي.

تحيآتي إلك *برنسيسة* دي أكلة شكلهآ تشهي.

admin

يععععع شو هدا هههههههههههه
معني ما فهمت ولا حاجة
وهو في حاجه بتعلى على الملوخية هههههههههههه
مشكوووووووور اختي على الموضوع الحلو

تحياتيــــ ::
ابو وعـ،ـ،ـ،ـد